കണ്ണൂര്‍: വ്യാജ ത്വരീഖത്തുകള്‍ക്കും കള്ള ശൈഖുമാര്‍ക്കുമെതിരെ ജാഗ്രത പാലിക്കണമെന്നു പാണക്കാട് സയ്യിദ് ബഷീറലി ശിഹാബ് തങ്ങള്‍. ജനങ്ങളെ ആത്മശുദ്ധി വരുത്തി ദൈവത്തോടു അടുപ്പിക്കാനാണ് ആത്മീയ സരണികള്‍ ഉണ്ടായത്. മനുഷ്യന്റെ പരലോക നന്മയ്ക്ക് ഇത്തരം സരണികള്‍ അനിവാര്യമാണ്. എന്നാല്‍ ഇതിന്റെ പേരില്‍ നടക്കുന്ന വ്യാജ കേന്ദ്രങ്ങളെയും വ്യാജ സരണികളെയും തിരിച്ചറിയണമെന്നു തങ്ങള്‍ പറഞ്ഞു. വേങ്ങാട് ഒരു പരിപാടിക്കു താന്‍ പങ്കെടുത്തത് ചിലര്‍ തെറ്റിദ്ധരിപ്പിച്ചതു മൂലമാണ്. ഇതില്‍ വിശ്വാസികള്‍ വഞ്ചിതരാവരുതെന്നും തങ്ങള്‍ പ്രസ്താവനയില്‍ വ്യക്തമാക്കി.