മട്ടാഞ്ചേരി: മുണ്ടംവേലി സ്വദേശിയായ പതിനെട്ടുകാരിയെ പ്രണയം നടിച്ച് വിവിധയിടങ്ങളില്‍ കൊണ്ട് പോയി പീഡിപ്പിച്ച കേസില്‍ യുവാവിനെ പള്ളുരുത്തി പൊലിസ് അറസ്റ്റ് ചെയ്തു. പെരുമ്പടപ്പ് വി.എന്‍ പുരുഷന്‍ റോഡില്‍ തൈപ്പാടത്ത് വീട്ടില്‍ ജോസഫ് സോബല്‍(22)നെയാണ് പള്ളുരുത്തി സര്‍ക്കിള്‍ ഇന്‍സ്‌പെക്ടര്‍ കെ.ജി അനീഷിന്റെ നേതൃത്വത്തില്‍ അറസ്റ്റ് ചെയ്തത്. വൈപ്പിന്‍,മുനമ്പം തുടങ്ങിയിടങ്ങളിലും പെരുമ്പടപ്പിലെ പ്രതിയുടെ വീട്ടില്‍വച്ചും പ്രതി പെണ്‍കുട്ടിയെ പലതവണ പീഡിപ്പിച്ചതായി പൊലിസ് പറഞ്ഞു. കോടതിയിലാണ് പെണ്‍കുട്ടി തെളിവുകള്‍ നല്‍കിയത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.