ന്യൂഡല്‍ഹി: വിവാദ മദ്യവ്യവസായി വിജയ് മല്യയുടെ പാസ്‌പോര്‍ട്ട് കേന്ദ്ര വിദേശകാര്യ മന്ത്രാലയം റദ്ദാക്കി.സാമ്പത്തിക കുറ്റാന്വേഷണ ഏജന്‍സിയുടെ നിര്‍ദ്ദേശപ്രകാരമാണ് നടപടി.  എന്‍ഫോഴ്‌സ്‌മെന്റ് ഡയറക്ടറേറ്റ് നല്‍കിയ തെളിവുകളും മല്യയുടെ വിശദീകരണവും അടിസ്ഥാനമാക്കിയാണ് പാസ്‌പോര്‍ട്ട റദ്ദാക്കയതെന്ന് വിദേശകാര്യ മന്ത്രാലയം വക്താവ് വികാസ് സ്വരൂപ വ്യക്തമാക്കി. 950 കോടി രൂപ ഐ.ഡി.ബി.ഐ ബാങ്കില്‍ നിന്നും വായ്പയെടുത്ത് തിരിച്ചടയ്ക്കാത്ത കേസിലാണ് മല്യക്കെതിരെ അന്വേഷണം നടക്കുന്നത്.