കോട്ടക്കല്‍: വാളക്കുളം കെ.എച്ച്.എം.എച്ച്.എസ് സ്‌കൂളില്‍ ഓസോണ്‍ സംരക്ഷണ ബോധവല്‍ക്കരണ പരിപാടി തുടങ്ങി. കേരളാ ശാസ്ത്ര സാങ്കേതിക പരിസ്ഥിതി കൗണ്‍സില്‍ ദേശീയ ഹരിതസേനയുമായി സഹകരിച്ചു കേരളത്തിലെ തെരഞ്ഞെടുത്ത വിദ്യാലയങ്ങളില്‍ 30വരെയാണ് കാംപയിന്‍ നടക്കുന്നത്. പരിപാടിയുടെ ഭാഗമായി വിദ്യാര്‍ഥികള്‍ സ്‌കൂള്‍ ഗ്രൗണ്ടില്‍ പ്രകൃതിസൗഹൃദ ജീവിതരീതിയുടെ നിശ്ചല ദൃശ്യം ഒരുക്കി. സെമിനാര്‍ ജില്ലാപഞ്ചായത്തംഗം ഹനീഫ പുതുപ്പറമ്പ് ഉദ്ഘാടനം ചെയ്തു. ഷാഫി കുറ്റിപ്പുറം, ദിനേഷ്, സൗപര്‍ണിക എന്നിവര്‍ വിഷയാവതരണം നടത്തി. പ്രധാനാധ്യാപകന്‍ പി.കെ മുഹമ്മദ് ബഷീര്‍, മാനേജര്‍ ഇ.കെ അബ്ദുറസാഖ്, എന്‍. ജയശ്രീ, കെ. രാധാകൃഷ്ണന്‍, ടി. മുഹമ്മദ്, വി. ഇസ്ഹാഖ്, കെ. മുനീര്‍, കെ. ഫര്‍ഹ നേതൃത്വം നല്‍കി.