കുന്നംകുളം: അത്തിക്കാവ് സംസ്ഥാനപാതയില്‍ വാഹാനാപകടത്തില്‍ രണ്ടു പേര്‍ മരിച്ചു. കാറും ബൈക്കും കൂട്ടിയിടിച്ചാണ് അപകടമുണ്ടായത്. അമിതവേഗതയിലെത്തിയ കാര്‍ നിയന്ത്രണംവിട്ട് ബൈക്കിലിടിക്കുകയായിരുന്നു. ബൈക്കില്‍ സഞ്ചരിച്ചവരാണ് മരണപ്പെട്ടത്.

ചൂണ്ടല്‍-കുറ്റിപ്പുറം സംസ്ഥാനപാതയില്‍ അത്തിക്കാവ് രജിസ്ട്രാര്‍ ഓഫിസിന് മുന്‍വശത്ത് വച്ചാണ് അപകടമുണ്ടായത്. അപകടത്തില്‍ ബൈക്കില്‍ സഞ്ചരിച്ച മൂന്നില്‍ രണ്ടു പേരും മരണപ്പെട്ടു. കുന്നംകുളം അത്തിക്കാവ് നാലകത്ത് സുബൈര്‍ മകന്‍ ഹാരിസ് (19), കരിക്കാട് തോപ്പില്‍ മൊയ്തു മകന്‍ ഫവാസ്‌ (18) എന്നിവരാണ് മരണപ്പെട്ടത്. കൂടെയുണ്ടായിരുന്ന അത്തിക്കാവ് സ്വദേശി കിശോയിയെ ഗുരുതരപരുക്കുകളോടെ സ്വകാര്യ ആശുപത്രിയില്‍ പ്രവേശിപ്പിച്ചു.

നിയന്ത്രണം വിട്ട് ബൈക്കിലിടിച്ച കാര്‍ നിര്‍ത്താതെ പോയതായി നാട്ടുകാര്‍ പറഞ്ഞു.