കക്കട്ടില്‍: 35 വര്‍ഷം പിന്നിട്ട ജില്ലയിലെ കിഴക്കന്‍ മലയോര മേഖലയിലെ ഉന്നത പഠനകേന്ദ്രമായ മൊകേരി ഗവ. കോളജില്‍ പുതിയ കോഴ്‌സുകള്‍ ആരംഭിക്കുമെന്നു വിദ്യാഭ്യാസ വകുപ്പു മന്ത്രി സി. രവീന്ദ്രനാഥ് നിയമസഭയില്‍ പറഞ്ഞു. പാറക്കല്‍ അബ്ദുല്ല എം.എല്‍.എയുടെ സബ്മിഷനു മറുപടി പറയുകയായിരുന്നു മന്ത്രി. കോളജില്‍ ആവശ്യമായ അടിസ്ഥാന സൗകര്യങ്ങളൊരുക്കുമെന്നും മന്ത്രി ഉറപ്പു നല്‍കി. സയന്‍സ് ഐഛിക വിഷയമായെടുത്ത് ഹയര്‍ സെക്കന്‍ഡറി പഠനം പൂര്‍ത്തിയാക്കുന്ന വിദ്യാര്‍ഥികള്‍ക്കു വേണ്ട സൗകര്യമൊരുക്കുകയാണ് കോളജിന്റെ പ്രധാന ആവശ്യം.
കോളജില്‍ പുതിയ ക്ലാസ്മുറികളും ബി.കോം, ബി.എസ്.സി കെമിസ്ട്രി, എം.എ മലയാളം, എം.കോം കോഴ്‌സുകളും ആരംഭിക്കുന്ന കാര്യം സര്‍ക്കാര്‍ പരിഗണനയിലാണ്.