കോഴിക്കോട്: ഡല്‍ഹിയിലെ പത്രപ്രവര്‍ത്തകനായ ജോസി ജോസഫിന്റെ 'എ ഫെസ്റ്റ് ഓഫ് വെള്‍ട്ടേഴ്‌സ് ' പുസ്തകം പ്രകാശനം ചെയ്തു. എഴുത്തുകാരന്‍ ഹമീദ് ചേന്ദമംഗല്ലൂര്‍ എന്‍.പി രാജേന്ദ്രനു നല്‍കിയാണ് പുസ്തകം പ്രകാശനം ചെയ്തത്.
ദി ഹിന്ദുവിന്റെ നാഷനല്‍ സെക്യൂരിറ്റി എഡിറ്ററായ ജോസി ജോസഫ് പത്രപ്രവര്‍ത്തകന്‍ എന്ന നിലയില്‍ നടത്തിയ അന്വേഷണങ്ങളാണ് പുസ്തകമായി പുറത്തിറക്കിയത്.
ഇന്ത്യന്‍ രാഷ്ട്രീയത്തിന്റെ ഉള്ളുകള്ളികള്‍ തുറന്നുകാട്ടുന്ന പുസ്തകത്തിലുള്ള വാര്‍ത്തകള്‍ പത്രങ്ങള്‍ പ്രസിദ്ധീകരിക്കാന്‍ വിസമ്മതിച്ചവയാണ്.
ജോസി ജോസഫിന്റെ പുസ്തകം ഇന്ത്യന്‍ രാഷ്ട്രീയത്തിന്റെ അകത്തളങ്ങളിലെ നിഗൂഢതകളെ വെളിവാക്കുന്നതാണെന്ന് എന്‍.പി രാജേന്ദ്രന്‍ അഭിപ്രായപ്പെട്ടു.