മന്ദലാംകുന്ന്: സദ്‌വൃത്തരായ പണ്ഡിതന്മാര്‍ പ്രവാചകന്മാരുടെ പിന്‍ഗാമികളായി ഇസ്‌ലാമിക ചൈതന്യത്തെ നിലനിര്‍ത്തുന്നവരെന്ന് സമസ്ത കേരള ജംഇയത്തുല്‍ ഉലമ ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ അഭിപ്രായപ്പെട്ടു. മന്ദലാംകുന്ന് മഹല്ല് ഖത്തീബായി നാല്‍പ്പത് വര്‍ഷത്തെ സേവനത്തിനുശേഷം വിരമിക്കുന്ന എം.വി കുഞ്ഞിമുഹമ്മദ് മുസ്‌ലിയാര്‍ക്ക് മഹല്ല് കമ്മിറ്റി ഏര്‍പ്പെടുത്തിയ യാത്രയയപ്പ് സമ്മേളനം ഉദ്ഘാടനംചെയ്ത് സംസാരിക്കുകയായിരുന്നു അദ്ദേഹം.
മഹല്ല് പ്രസിഡന്റ് എ.എം അലാവുദ്ദീന്‍ അധ്യക്ഷനായി. സമ്മേളനത്തില്‍ പുതിയ ഖത്തീബായി അബ്ദുല്‍ ഗഫൂര്‍ ഫൈസി പാണ്ടിക്കാട് ചുമതലയേറ്റു. മന്ദലാംകുന്ന് ജൗഹരിയ മദ്‌റസ പ്രധാനാധ്യാപകന്‍ ബാദുഷ ബാഖവി, മഹല്ല് ജോയിന്റ് സെക്രട്ടറി വി.കെ സുലൈമാന്‍, കുഴിങ്ങര മഹല്ല് ഖത്തീബ് പി.ടി കുഞ്ഞുമുഹമ്മദ് മുസ്‌ലിയാര്‍, സമസ്ത ജംഇയത്തുല്‍ ഉലമ ജില്ലാ പ്രസിഡന്റ് നാസര്‍ ഫൈസി തിരുവത്ര, മുഹിയിദ്ധീന്‍ പള്ളി ഖത്തീബ് അബു മുസ്‌ലിയാര്‍ അകലാട്, അംബാല താഹ പള്ളി ഖത്തീബ് സി.കെ മുഹമ്മദാലി മദനി, മന്ദലാംകുന്ന് മുഹിയുദ്ദീന്‍ പള്ളി ഖത്തീബ് കുഞ്ഞുബാപ്പു മുസ്‌ലിയാര്‍, വെട്ടിപ്പുഴ പള്ളി ഇമാം എം.എന്‍ അഷറഫ് മുസ്‌ലിയാര്‍, കുന്നത്തെ പള്ളി ഇമാം ഹസന്‍ ഫൈസി, മന്ദലാംകുന്ന് മഹല്ല് വൈസ് പ്രസിഡന്റുമാരായ പി.കെ ഹൈദര്‍, ട്രഷറര്‍ കെ.എം ആലി അഹമ്മദുണ്ണി ഹാജി, കെ.വി ഹുസൈന്‍ കോഞ്ചാടത്ത്, മുന്‍ ഭാരവാഹികളായ എം.സി കുഞ്ഞുമുഹമ്മദ് ഹാജി, സി.ടി മുഹമ്മദാലി, എം.എം ഇബ്രാഹിം ഹാജി, എം.ടി കുഞ്ഞുഹാജി, പി.പി കുഞ്ഞവറു, എ.എം ബാപ്പുട്ടി, പി.കെ അലി സംസാരിച്ചു. സ്ഥാനമൊഴിയുന്ന ഖത്തീബ് ആദരവ് ഏറ്റുവാങ്ങിയ ശേഷം മറുപടി പ്രസംഗം നടത്തി.