പാലക്കാട്: സംസ്ഥാനത്തെ റെക്കോര്‍ഡ് ചൂട് മലമ്പുഴയില്‍ രേഖപ്പെടുത്തി. 41.9 ഡിഗ്രി സെല്‍ഷ്യസാണ് ഇന്ന് മലമ്പുഴയില്‍ രേഖപ്പെടുത്തിയ കൂടിയ താപനില. ആറ് വര്‍ഷത്തിനിടയിലെ ഏറ്റവും കൂടിയ ചൂടാണിത്.പാലക്കാട് മുണ്ടൂരില്‍ 40.5 ഡിഗ്രി സെല്‍ഷ്യസ് ആണ് രേഖപ്പെടുത്തിയത്.1000 ഓളം പേര്‍ക്ക് സൂര്യാഘാതമേറ്റിട്ടുണ്ട്. ഇതിനു മുന്‍പ് 2010 ല്‍ രേഖപ്പെടുത്തിയ 41.5 ഡിഗ്രി സെല്‍ഷ്യസ് ആയിരുന്നു രേഖപ്പെടുത്തിയ ഏറ്റവും ഉയര്‍ന്ന താപനില. കണ്ണൂരിലും കോഴിക്കോടും കഴിഞ്ഞ വര്‍ഷങ്ങളേക്കാള്‍ ഉയര്‍ന്ന താപനിലയാണ് രേഖപ്പെടുത്തിയിരിക്കുന്നത്.