ആറ്റിങ്ങല്‍: നിരവധി മോഷണകേസിലെ പ്രതി കീഴ്‌തോന്നയ്ക്കല്‍ മണലകം തടത്തരികത്ത് വീട്ടില്‍ കുറുകി ചന്ദ്രന്‍ എന്നു വിളിക്കുന്ന ചന്ദ്രനെ(46) ആറ്റിങ്ങല്‍ പൊലിസ് പിടികൂടി.
കഴിഞ്ഞ ദിവസം വെളുപ്പിന്  മോഷ്ടിച്ച റബര്‍ ഷീറ്റുകള്‍ വില്‍ക്കുന്നതിനായി കൊണ്ടു പോകുമ്പോള്‍  സംശയം തോന്നിയ പട്രോളിങ് സംഘം ചോദ്യം ചെയ്തപ്പോഴാണ് പിടി വീണത്.കോരാണി നെല്ലിവിള മുക്കിനു സമീപം രാജപ്പന്‍ പിള്ളയുടെ വീട്ടില്‍ നിന്നായിരുന്നു ഇയാള്‍ ഷീറ്റുകള്‍ മോഷ്ടിച്ചത്. മുന്‍പ് മോഷണകേസില്‍ പിടിയിലായ ചന്ദ്രന്‍ മൂന്നു മാസം മുന്‍പാണ്  ജയിലില്‍ നിന്നും ഇറങ്ങിയത്.ഇതിനിടയില്‍ കോരാണി വാറുവിളാകം ക്ഷേത്രത്തിനു സമീപം സതീശന്റെ പുതുവല്‍ വീട്ടില്‍ നിന്നും റബര്‍ ഷീറ്റകളും 18 ാം മൈല്‍ വെട്ടിക്കല്‍ പാലത്തിനു സമീപം സദാശിവന്റെ വീട്ടില്‍ നിന്നും പമ്പുകളും ഇയാള്‍ മോഷ്ടിച്ചതായി പൊലിസ്പറഞ്ഞു.