കൊല്ലം:  ശക്തികുളങ്ങര ഫിഷിങ് ഹാര്‍ബറില്‍ നിന്നും മത്സ്യബന്ധനത്തിനു പോയ ബോട്ടില്‍ നിന്നു കടലില്‍ വീണ മൂന്നു മത്സ്യത്തൊഴിലാളികളെ രക്ഷപ്പെടുത്തി.
ഇന്നലെ പുലര്‍ച്ചെയായിരുന്നു സംഭവം. സെന്‍ട്രോപ്പി എന്ന ബോട്ടിലെ അന്യസംസ്ഥാന തൊഴിലാളികളായ  വിക്രംദാസ്,വിജയ് എന്നിവര്‍ക്കൊപ്പം മറ്റൊരു തൊഴിലാളിയുമാണു കടലില്‍ വീണത്. മണിക്കൂറുകളോളം മരണവുമായി മല്ലടിച്ച ഇവരെ മരിയ എന്ന ബോട്ടിലെ  ജീവനക്കാരാണ് രക്ഷപ്പെടുത്തിയത്.  മൂന്നുപേരേയും കൊല്ലം ജില്ലാ ആശുപത്രിയില്‍ പ്രവേശിപ്പിച്ചു.