ആര്‍പ്പൂക്കര: കാര്‍ മരത്തിലിടിച്ച് മൂന്ന് പേര്‍ക്ക് പരുക്ക്. ഒരാളുടെ നില ഗുരുതരം.ആര്‍പ്പൂക്കര വില്ലൂന്നിതോപ്പില്‍ കുഞ്ഞുമോന്‍(52), മകള്‍ അഞ്ജു(18), ഡ്രൈവര്‍ ആര്‍പ്പൂക്കര സ്വദേശി സാം( 52) എന്നിവര്‍ക്കാണ് പരുക്കേറ്റത്. ഭാര്യാമാതാവിന്റെ സംസ്‌കാരത്തില്‍ പങ്കെടുക്കാന്‍ മകളുമായി വരുന്നതിനിടയിലായിരുന്നു അപകടം.
കുഞ്ഞുമോന്റെ നില അതീവ ഗുരുതരമാണ്. ഇന്നലെ ഉച്ചയ്ക്ക് പാലാ- ഏറ്റുമാനൂര്‍ റോഡില്‍ കിസ്മത്ത് ജംഗ്ഷനിലായിരുന്നു അപകടം.
സംസ്‌കാര ചടങ്ങില്‍ പങ്കെടുക്കാനായി ഭരണങ്ങാനം സെന്റ് മേരീസ് ആശുപത്രിയിലെ നഴിസിംഗ് വിദ്യാര്‍ഥിയായ മകള്‍ അഞ്ജുവിനെയും കൂട്ടി വീട്ടിലേക്ക് വരുന്നതിനിടയിലാണ് കാര്‍ അപകടത്തില്‍പ്പെട്ടത്.