തൊടുപുഴ: കേരള അഗ്രികള്‍ച്ചറല്‍ ഡവലപ്‌മെന്റ് സൊസൈറ്റി (കാഡ്‌സ്)യുടെ ആഭിമുഖ്യത്തില്‍ ദേശീയ പരിസ്ഥിതി ഗവേഷണകേന്ദ്രത്തിന്റെ സഹായത്തോടെ ജൈവപച്ചക്കറികൃഷി പഠനക്ലാസും 50 ശതമാസം സബ്‌സിഡിയോടെ ജൈവ കാര്‍ഷികകിറ്റ് വിതരണവും ഒക്‌ടോബര്‍ ഒന്നിന് നടക്കും. രാവിലെ 10.30 മുതല്‍ 1.30 വരെ കാഡ്‌സ് ഓഡിറ്റോറിയത്തിലാണ് പരിശീലനപരിപാടി.
പച്ചക്കറി കൃഷിക്കാവശ്യമായ വിത്തുകളും അതിനുപയോഗിക്കേണ്ട പ്രാഥമിക-ദ്വീതീയ വളങ്ങളും ജൈവകീടനാശിനികളും സ്‌പ്രെയര്‍ സെറ്റും അടക്കം 11 ഇനങ്ങളടങ്ങിയ 1200 രൂപയുടെ കിറ്റാണ് പകുതി വിലയ്ക്ക് പരിശീലനത്തില്‍ പങ്കെടുക്കുന്ന 100 പേര്‍ക്ക് നല്‍കുന്നത്. പരിശീലനപരിപാടിക്ക് ദേശീയ പരിസ്ഥതി ഗവേഷണകേന്ദ്രത്തിന്റെ സംസ്ഥാന കോ-ഓര്‍ഡിനേറ്റര്‍ വേണു അനിരുദ്ധന്‍ നേതൃത്വം നല്‍കും.
താല്‍പര്യമുള്ളവര്‍ പേര് മുന്‍കൂട്ടി രജിസ്റ്റര്‍ ചെയ്യണമെന്ന് കാഡ്‌സ് സെക്രട്ടറി കെ വി ജോസ് അറിയിച്ചു. കൂടുതല്‍ വിവരങ്ങള്‍ക്ക് 223717 എന്ന നമ്പരില്‍ ബന്ധപ്പെടാം.