കൊല്ലം: എല്ലാം ശരിയാക്കുമെന്ന് പറഞ്ഞ് അധികാരത്തിലേറിയ ഇടതു സര്‍ക്കാര്‍ സാധാരണക്കാരുടെ വിദ്യാഭ്യാസ അവസരം പോലും നിഷേധിക്കുകയാണെന്ന്പാണക്കാട് സയ്യിദ് മുനവ്വറലി ശിഹാബ് തങ്ങള്‍.
സ്വാശ്രയ വിഷയത്തില്‍ സര്‍ക്കാര്‍ നിലപാട് ഉന്നത വിദ്യാഭ്യാസ രംഗത്ത് പ്രതിസന്ധിക്ക് ഇടയാക്കും. ഇടതുമുന്നണിക്ക് വോട്ട് ചെയ്തവര്‍ ഇപ്പോള്‍ ദു:ഖിക്കുന്ന സ്ഥിതിയാണെന്നും അദ്ദേഹം പറഞ്ഞു. യൂത്ത് ലീഗ് ജില്ലാ പ്രതിനിധി സമ്മേളനം കൊല്ലം ജില്ലാ സഹകരണ ബാങ്ക് ആഡിറ്റോറിയത്തില്‍ ഉദ്ഘാടനം ചെയ്യുകയായിരുന്നു അദ്ദേഹം.
ബഹുസ്വര സമൂഹത്തില്‍ ന്യൂനപക്ഷങ്ങളുടെ അവകാശം സംരക്ഷിക്കുന്നത് എങ്ങനെയെന്ന് കാണിച്ചുകൊടുത്ത പാര്‍ട്ടിയാണ് മുസ്‌ലിം ലീഗ്. മതധ്രൂവീകരണം നടത്താന്‍ ശ്രമിക്കുന്നവര്‍ക്കെതിരെ ലീഗ് ശക്തമായി പോരാടും. മുസ്‌ലിം സമുദായത്തെ സംസ്‌കരിക്കുമെന്ന് പ്രധാനമന്ത്രി കോഴിക്കോട്ടു പറഞ്ഞു. ആറു പതിറ്റാണ്ട് നീണ്ട പ്രവര്‍ത്തനത്തിലൂടെ മുസ്‌ലിം സമുദായത്തെ ലീഗ് സംസ്‌കരിച്ചു കഴിഞ്ഞു. ഇനി ഒരു പാര്‍ട്ടിയുടെയും സംസ്‌കരണം സമുദായത്തിന് ആവശ്യമില്ലെന്നും തങ്ങള്‍ പറഞ്ഞു.
യൂത്ത് ലീഗ് ജില്ലാ പ്രസിഡന്റ് അഡ്വ.സുല്‍ഫിക്കര്‍ സലാം അധ്യക്ഷനായി. ജില്ലാ ജനറല്‍ സെക്രട്ടറി മുള്ളുകാട്ടില്‍ സാദിഖ് സ്വാഗതം പറഞ്ഞു. പി.ഉബൈദുല്ല എം.എല്‍.എ, സി.ശ്യാംസുന്ദര്‍ എന്നിവര്‍ മുഖ്യപ്രഭാഷണം നടത്തി. മുസ്‌ലിം ലീഗ് ജില്ലാ പ്രസിഡന്റ് എ.യൂനുസ്‌കുഞ്ഞ്, ജനറല്‍ സെക്രട്ടറി എം.അന്‍സാറുദീന്‍, ട്രഷറര്‍ എം.എ സലാം, ജില്ലാ ഭാരവാഹികളായ വലിയവീടന്‍ മുഹമ്മദ്കുഞ്ഞ്, ഉമയനല്ലൂര്‍ ശിഹാബുദീന്‍, സംസ്ഥാന കൗണ്‍സില്‍ അംഗം മണക്കാട് നജിമുദീന്‍, യൂത്ത് ലീഗ് ജില്ലാ ഭാരവാഹികളായ കാര്യറ നസീര്‍, തമീം കടയ്ക്കല്‍, എസ്.അഹമ്മദ് ഉഖൈല്‍, കെട്ടിടത്തില്‍ ഷാജഹാന്‍, ഹുസൈന്‍ പോരുവഴി, സബീര്‍ ചകിരിക്കട, കുറ്റിച്ചിറ നസീര്‍, വിളയില്‍ നൗഷാദ്, പോഷക സംഘടനാ ഭാരവാഹികളായ കെ.യു ബഷീര്‍, ജെ.സുബൈര്‍, കക്കാക്കുന്ന് എ.ഉസ്മാന്‍കുഞ്ഞ്, റഫീഖ് അസീസ്, ബ്രൈറ്റ് മുഹ്‌സിന്‍, ഷാനൂര്‍ സിയാദ്, കൊല്ലൂര്‍വിള നാസിമുദീന്‍, എന്നിവര്‍ സംബന്ധിച്ചു. ജില്ലാ സെക്രട്ടറി കിടങ്ങില്‍ സുധീര്‍ നന്ദി പറഞ്ഞു.