കോഴിക്കോട്: എസ്.വൈ.എസ് ജില്ലയില്‍ പഞ്ചായത്ത് കേന്ദ്രങ്ങളില്‍ നടത്തുന്ന മജ്‌ലിസുന്നൂറിന്റെ വാര്‍ഷികം ഒക്‌ടോബര്‍ 19ന് വൈകിട്ട് ഏഴിന് നരിക്കുനി പുല്ലാളൂരില്‍ നടത്താന്‍ ജില്ലാ സെക്രട്ടേറിയറ്റ് യോഗം തീരുമാനിച്ചു.
പാറന്നൂര്‍ ഇബ്‌റാഹിം മുസ്‌ലിയാര്‍ മെമ്മോറിയല്‍ അക്കാദമി നടത്തുന്ന പി.പി ഉസ്താദ് ആണ്ടുനേര്‍ച്ചയോടനുബന്ധിച്ചാണ് മജ്‌ലിസുന്നൂര്‍ നടത്തുന്നത്. പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. അത്തിപ്പറ്റ മുഹ്‌യിദ്ദീന്‍കുട്ടി മുസ്‌ലിയാര്‍ നേതൃത്വം നല്‍കും. യോഗത്തില്‍ സി.എച്ച് മഹ്മൂദ് സഅദി അധ്യക്ഷനായി. നാസര്‍ ഫൈസി കൂടത്തായി, കെ.പി കോയ, ടി.പി.സി തങ്ങള്‍, മലയമ്മ അബൂബക്കര്‍ ഫൈസി, സൈനുല്‍ ആബിദീന്‍ തങ്ങള്‍ നടക്കാവ്, മജീദ് ദാരിമി ചളിക്കോട്, സലാം ഫൈസി മുക്കം, അഷ്‌റഫ് ബാഖവി ചാലിയം, സയ്യിദ് അലി തങ്ങള്‍ പേരാമ്പ്ര, മുഹമ്മദ് പടിഞ്ഞാറത്തറ, ഉമ്മര്‍ ബാഖവി പൂളപ്പൊയില്‍, എ.കെ അഹമ്മദ്കുട്ടി ഹാജി സംസാരിച്ചു.