മലപ്പുറം: മലപ്പുറം കോട്ടപ്പടിയില്‍ സ്‌കൂള്‍ ബസ് നിയന്ത്രണം വിട്ട് മരത്തിലിടിച്ച് വിദ്യാര്‍ഥി മരിച്ചു. ഇരുപതോളം പേര്‍ക്ക് പരുക്കേറ്റു. ഇത്തിള്‍പറമ്പ് സ്വദേശിനിയും ഒമ്പതാം ക്ലാസ് വിദ്യാര്‍ഥിയുമായ സിതാര ജാസ്മിന്‍ ആണ് മരിച്ചത്.

കോട്ടപ്പടി ഗവ. ഗേള്‍സ് സ്‌കൂളിലാണ് സംഭവം. വൈകുന്നേരം സ്‌കൂള്‍ വിട്ടതിന് ശേഷം വിദ്യാര്‍ഥികളുമായി പുറപ്പെടാനൊരുങ്ങവേ നിയന്ത്രണം വിട്ട ബസ് സ്‌കൂളിന്റെ കവാടത്തിന് സമീപമുള്ള മരത്തിലിടിച്ച് നില്‍ക്കുകയായിരുന്നു.

മരത്തിലിടിച്ച് നിന്നതിനാല്‍ വന്‍ ദുരന്തം ഒഴിവായി. പരുക്കേറ്റ വിദ്യാര്‍ഥികളെ മലപ്പുറത്തെ വിവിധ ആശുപത്രികളില്‍ പ്രവേശിപ്പിച്ചു. ഒരാളുടെ പരുക്ക് ഗുരുതരമാണ്.