കല്‍പ്പറ്റ: ജില്ലയിലെ ആദിവാസികള്‍ താമസിക്കുന്ന സമരഭൂമി തിരിച്ച് പിടിക്കാനുള്ള വനം വകുപ്പ് നടപടി എന്തുവിലകൊടുത്തും ചെറുക്കുമെന്ന്  എസ്.സി, എസ.്ടി മോര്‍ച്ച സംസ്ഥാന സെക്രട്ടറി മുകുന്ദന്‍ പള്ളിയറ പറഞ്ഞു. ജില്ലയിലെ വിവിധ ഭാഗങ്ങളിലായി അഞ്ഞൂറിലധികം കുടുംബങ്ങള്‍ വിവിധ സമരഭൂമികളിലായുണ്ട്. ഇവര്‍ക്കുവേണ്ട ജീവിത സാഹചര്യം ഒരുക്കേണ്ട ദൗത്യം സംസ്ഥാന സര്‍ക്കാരിന്റേതാണ്. യു.ഡി.എഫ് സര്‍ക്കാരിന്റെ കാലത്തുണ്ടായ ആദിവാസി ഭൂമി തട്ടിപ്പില്‍ എത്രയും പെട്ടന്ന് വിജിലന്‍സ് അന്വേഷണം നടത്തണമെന്നും അല്ലാത്ത പക്ഷം ശക്തമായ പ്രക്ഷോപം ആരംഭിക്കുമെന്നും അദ്ദേഹം അറിയിച്ചു.