പാനൂര്‍: പാനൂരില്‍ സി.പി.എം ജില്ലാകമ്മിറ്റി അംഗം ഉള്‍പ്പെടെ രണ്ടു സി.പി.എമ്മുകാര്‍ക്കും നാലു ബി.ജെ.പി പ്രവര്‍ത്തകര്‍ക്കും നേരെ അക്രമഭീഷണിയുള്ളതായി രഹസ്യാന്വേഷണ വിഭാഗം റിപ്പോര്‍ട്ട്.
സി.പി.എം ജില്ലാ കമ്മിറ്റി അംഗം പി. ഹരീന്ദ്രന്‍, കെ.ടി ജയകൃഷ്ണന്‍ വധക്കേസില്‍ ഒന്നാം പ്രതിയായിരുന്ന മൊകേരിയിലെ എ. പ്രദീപന്‍, ബി.ജെ.പി-ആര്‍.എസ്.എസ് പ്രവര്‍ത്തകരായ പന്ന്യന്നൂരിലെ എന്‍.പി ശ്രീജേഷ്, സന്തോഷ് കുമാര്‍, താഴെ പൂക്കോത്തെ അനീഷ്, കതിരൂര്‍ മനോജ് വധക്കേസിലെ ഒന്നാം സാക്ഷി മാക്കൂല്‍ പീടികയിലെ പ്രമോദ് എന്നിവര്‍ക്കു നേരെ ഭീഷണിയുള്ളതായാണ് റിപ്പോര്‍ട്ട്. ഭീഷണിയെ തുടര്‍ന്ന് നേതാക്കളുടെയും പ്രവര്‍ത്തകരുടെയും വീടിന് പൊലിസ് സുരക്ഷ ശക്തമാക്കിയിട്ടുണ്ട്.