കാസര്‍കോട്: അസ്വസ്ഥതകള്‍ പടരുന്ന ഈ കാലഘട്ടത്തില്‍ സമാധാന സന്ദേശങ്ങള്‍ക്കായി ലോകം കാതോര്‍ക്കുകയാണെന്നും വിശ്വാസികള്‍ അതിനായി പ്രാര്‍ഥിക്കണമെന്നും സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ മുഹറം സന്ദേശത്തില്‍ പറഞ്ഞു.
പാവപ്പെട്ടവരോടും കഷ്ടതയനുഭവിക്കുന്നവരോടും മനുഷ്യത്വപരമായ സമീപനം സ്വീകരിക്കുകയും അവരുടെ കണ്ണീരൊപ്പാനും കരുണാര്‍ദ്രമായ കൈകള്‍നീട്ടാനും നമുക്കാവണം.
ഹിജ്‌റ നല്‍കുന്ന പാഠം ഉള്‍ക്കൊള്ളാനും മതപഠനങ്ങള്‍ അതിന്റെ അന്തസത്തക്കനുസരിച്ച് പ്രചരിപ്പിക്കാനും സാധിക്കണമെന്നും അദ്ദേഹം പറഞ്ഞു.