മാനന്തവാടി: മലബാര്‍ ദേവസ്വം എംപ്ലോയിസ് യൂനിയന്‍ (സി.ഐ.ടി.യു) ജില്ലാ സമ്മേളനം നാളെ രാവിലെ പത്തു മുതല്‍ മാനന്തവാടി ക്ഷീരസംഘം ഹാളിലെ വി.വി ദക്ഷിണാമൂര്‍ത്തി നഗറില്‍ നടക്കും. മലബാര്‍ ദേവസ്വം ബോര്‍ഡിനു കീഴിലെ മുഴുവന്‍ ക്ഷേത്രജീവനക്കാര്‍ക്കും ശമ്പളപരിഷ്‌കരണം നടപ്പാക്കുക, ഗ്രേഡ് നോക്കാതെ ക്ഷേത്രം ജീവനക്കാരുടെ സേവന വേതന വ്യവസ്ഥ പരിഷ്‌കരിക്കുക, ക്ഷേത്രം ജീവനക്കാര്‍ക്ക് ആരോഗ്യ ഇന്‍ഷുറന്‍സ് നടപ്പാക്കുക തുടങ്ങി വിവിധ ആവശ്യങ്ങള്‍ ഉന്നയിച്ചാണ് സമ്മേളനം നടത്തുന്നത്.
സംസ്ഥാന, ജില്ലാ ട്രേഡ് യൂനിയന്‍ നേതാക്കള്‍ സമ്മേളനത്തില്‍ പങ്കെടുക്കും. സമ്മേളനത്തില്‍ മുഴുവന്‍ ക്ഷേത്രം ജീവനക്കാരുടെയും പങ്കാളിത്തമുണ്ടാവണമെന്ന് ജില്ലാ പ്രസിഡന്റ് പി.വി സഹദേവന്‍, സെക്രട്ടറി ടി. സന്തോഷ് കുമാര്‍ എന്നിവര്‍ ആവശ്യപ്പെട്ടു.