നാദാപുരം: കെ.യു.ആര്‍.ടി.സി ബസില്‍ പ്ലാറ്റ്‌ഫോമിന്റെ ഇളകിയ ഭാഗത്തു തട്ടി വയോധികനു പരുക്കേറ്റു.
കണ്ണൂര്‍-തലശ്ശേരി റൂട്ടിലോടുന്ന ലോ ഫ്‌ളോര്‍ ബസില്‍ കണ്ണൂര്‍ പുതിയ ബസ് സ്റ്റാന്‍ഡില്‍ നിന്നു കയറിയ നാദാപുരം പാറക്കടവ് സ്വദേശി മമ്മു ഹാജിക്കാണു പരുക്കേറ്റത്.
ബസിന്റെ പ്ലാറ്റ്‌ഫോമിന്റെ സീറ്റിനു സമീപത്തെ ഇളകിയ തകര ഷീറ്റില്‍ തട്ടിയാണു കാലിന്റെ രണ്ടു വിരലുകള്‍ക്കു പരുക്കേറ്റത്. ജില്ലാ ആശുപത്രിയില്‍ ചികിത്സ തേടി.