പാറക്കടവ്: എമിറേറ്റ്‌സ് വിമാന അപകടത്തില്‍പെട്ടവരെ രക്ഷിക്കുന്നതിനിടെ രക്തസാക്ഷിയായ യു.എ.ഇ ഡിഫന്‍സ് ഉദ്യോഗസ്ഥന്‍ ജാസിം അല്‍ ബലൂഷിയുടെ പിതാവ് ഈസാ അല്‍ബലൂഷി കേരളം സന്ദര്‍ശിക്കും.
ജാസിമിന്റെ ധീരമായ ഇടപെടല്‍ കേരളത്തിലെ പ്രവാസികള്‍ വാനോളം പ്രകീര്‍ത്തിച്ചിരുന്നു. ഇതിനു പുറമേ നാദാപുരത്തെ പാട്ടുകാരന്‍ ഫസല്‍ ജാസിമിനെ കുറിച്ച് എഴുതി തന്റെ മകന്‍ മുഹമ്മദ് ശാഫി സ്വരമേകിയ അറബിഗാനം ദുബൈ സന്ദര്‍ശത്തിനിടെ ജാസിമിന്റെ കുടുംബത്തെ പാടി കേള്‍പ്പിക്കുകയായിരുന്നു.
ജാസിമിന്റെ പിതാവിനേയും കുടുംബത്തിനേയും  ഏറേ സ്വാധീനിച്ചതിനെ തുടര്‍ന്ന് കേരളം സന്ദര്‍ശിക്കാന്‍ പിതാവ് തയ്യാറുകയായിരുന്നു. തന്റെ മകന്റെ പേരില്‍ നാട്ടില്‍ ഒരു സ്റ്റുഡിയോ സ്ഥാപിക്കാന്‍ ഈ കുടുംബം തയ്യാറായിട്ടുണ്ടെന്നും ഫസല്‍ പറഞ്ഞു. പ്രവാസി വാട്‌സ് ആപ് ഗ്രൂപ്പാണ് ഫസലിനെ ഗള്‍ഫിലെത്തിച്ചത്. കെ.എം.സി.സി നേതാക്കളുടെ സഹായങ്ങളും  ഫസലിന് തുണയായി.