പാലക്കാട്: കേരളാ സോഷ്യല്‍ സെക്യൂരിറ്റി മിഷന്റെയും സാമൂഹ്യ നീതി വകുപ്പിന്റെയും, ജില്ലാ പഞ്ചായത്തിന്റെയും സംയുക്താഭിമുഖ്യത്തില്‍ ലോക വയോജന ദിനം ആഘോഷിച്ചു. എം.പി. ബിന്ദു അധ്യക്ഷയായി. അഡ്വ. കെ.ശാന്തകുമാരി ഉദ്ഘാടനം ചെയ്തു. പ്രമീള ശശിധരന്‍, ടി.കെ. നാരായണദാസ് സംബന്ധിച്ചു.
വണ്ടിത്താവളം: പെരുമാട്ടി പഞ്ചായത്തിലെ മാണിയാട്ട്‌കൊളുമ്പു അങ്കണവാടിയില്‍ നടത്തിയ വൃദ്ധദിനാചരണം മാധുരി പദമനാഭന്‍ ഉദ്ഘാടനം ചെയ്തു. സി മണി അധ്യക്ഷനായി. കെ. ആറുമുഖന്‍. വി. പ്രഭാകരന്‍, പുഷ്പലത, കൃഷ്ണന്‍, അംബിക എസ് ദാസ്, പി.കെ ഷണ്‍മുഖന്‍ സംസാരിച്ചു. പത്രപ്രവര്‍ത്തകന്‍ കെ.ശരവണകുമാര്‍ പ്രഭാഷണം നടത്തി. മുതിര്‍ന്ന വൃദ്ധ ദമ്പതികളായ അണ്ണാക്കോട് കാശു തത്ത എന്നിവരെ പൊന്നാടയണിയിച്ചു ആദരിച്ചു.
കോട്ടോപ്പാടം: തിരുവിഴാംകുന്ന് സി.പി.എ.യു.പിസ്‌കൂളിലെ വിദ്യാര്‍ഥികള്‍ പ്രദേശത്തെ ഏറ്റവും പ്രായംചെന്ന അഞ്ചോളം വയോധികരായ അമ്മാമാരേയും ഉപ്പൂപ്പമാരെയും വീടുകളില്‍ സന്ദര്‍ശനം നടത്തി. റഫീഖ ്എല്ലാവരെയും പൊന്നാട അണിയിച്ച് ആദരിച്ചു. ജയപ്രകാശ് അധ്യക്ഷനായി. ആനക്കര: കൂടല്ലൂര്‍ ഗവ. ഹൈസ്‌കൂളില്‍ വിദ്യാലയ കുടുംബത്തിലെ മുതിര്‍ന്ന അംഗത്തെ ആദരിച്ചു. പുളിക്കല്‍ ചെറിയ കുഞ്ഞനെയാണ് സ്‌കൂള്‍ സോഷ്യല്‍ സയന്‍സ് ക്ലബിന്റെ നേതൃത്വത്തില്‍ ആദരിച്ചത്. എം.വി ഖാലിദ് പൊന്നാടയണിയിച്ചു. ഉപഹാരം പി.കെ കുഞ്ഞുമുഹമ്മദ് കൈമാറി. എം.വി സിദ്ധിഖ് ഉപഹാരം നല്‍കി.
ശ്രീകൃഷ്ണപുരം: കരിമ്പുഴ പഞ്ചായത്ത് കോട്ടപ്പുറം പ്രാഥമിക ആരോഗ്യ കേന്ദ്രം, പാലിയേറ്റീവ് പദ്ധതി സംയുക്ത ആഭിമുഖ്യത്തില്‍ വയോജന ദിനം ആചരിച്ചു. വജോയനങ്ങളെ ആദരിക്കല്‍, ജീവിത ശൈലി രോഗ നിര്‍ണ്ണയ ക്യാംപ്, ബോധവല്‍ക്കരണക്ലാസ് എന്നീ  പരിപാടികള്‍  സംഘടിപ്പിച്ചു. ടി രഹ്ന അധ്യക്ഷനായി. പി.ടി ഷീബ ഉദ്ഘാടനം ചെയ്തു. അശ്വതി സോമന്‍  ക്ലാസെടുത്തു.