പട്ടാമ്പി: വിവാഹവാഗ്ദാനം നല്‍കി ഇരുപതുവയസ്സുള്ള പട്ടികജാതിക്കാരിയെ പീഡിപ്പിച്ച യുവാവിനെ അറസ്റ്റ് ചെയ്തു. കരിങ്ങനാട് കുണ്ട് താഴത്തേതില്‍ വീട്ടില്‍ ബിജു(28) വിനെയാണ് അറസ്റ്റു ചെയ്തത്. പ്രതിയുടെ വീട്ടില്‍ നിരന്തരം യുവതി പീഡനത്തിനിരയായിട്ടുണ്ട്. കഴിഞ്ഞദിവസം ബന്ധുക്കള്‍ യുവാവിനെതിരേ പൊലിസില്‍ നല്‍കിയ പരാതിന്‍മേലാണ് അറസ്റ്റ് രേഖപ്പെടുത്തിയത്. ദേഹാസ്വാസ്ഥ്യം അനുഭവപ്പെട്ടതിനെ തുടര്‍ന്ന് ബന്ധുക്കള്‍ ഡോക്ടറെ കാണിച്ചപ്പോഴാണ് അഞ്ചുമാസം ഗര്‍ഭിണിയാണന്ന വിവരം അറിയുന്നത്.
പരാതി കിട്ടിയ ഉടനെ പ്രതിയെ പൊലിസ് കസ്റ്റഡിയിലെടുക്കുകയും തിരിച്ചറിയല്‍ പരേഡില്‍ പരാതിക്കാരി പ്രതിയെ തിരിച്ചറിയുകയും ചെയ്തു. ഇന്നലെ വൈകുന്നേരം കോടതിയില്‍ ഹാജരാക്കിയ പ്രതിയെ 15 ദിവസത്തേക്ക് റിമാന്‍ഡ് ചെയ്തു. ബിജു ഓട്ടോ ഡ്രൈവറാണ്. കഴിഞ്ഞദിവസം മറ്റൊരാളുമായി ബിജുവിന്റെ വിവാഹ നിശ്ചയം നടന്നതായും പൊലിസിന് വിവരം ലഭിച്ചിട്ടുണ്ട്. ഷൊര്‍ണൂര്‍ ഡിവൈ.എസ്.പി കെ.എ സൈതാലിയാണ് അറസ്റ്റിന് നേതൃത്വം നല്‍കിയത്.