ആലപ്പുഴ: ഇന്ത്യന്‍ കോഫി വര്‍ക്കേഴ്‌സ് യൂണിയന്‍ (എ ഐ ടി യു സി) സംസ്ഥാന സമ്മേളനത്തിന് ആലപ്പുഴയില്‍ തുടക്കമായി. ഇന്ന് സമാപിക്കും. യൂണിയന്‍ വൈസ് പ്രസിഡന്റ് അഡ്വ.ഡി സുരേഷ്ബാബു പതാക ഉയര്‍ത്തി.
തുടര്‍ന്ന് സംസ്ഥാന കമ്മിറ്റിയോഗവും കലാപരിപാടികളും നടന്നു. ഇന്ന് രാവിലെ 10ന് ആലപ്പുഴ ചടയംമുറിഹാളില്‍ ചേരുന്ന പ്രതിനിധി സമ്മേളനം എ ഐ ടി യു സി സംസ്ഥാന ജനറല്‍ സെക്രട്ടറി കെ പി രാജേന്ദ്രന്‍ ഉദ്ഘാടനം ചെയ്യും. യൂണിയന്‍ സംസ്ഥാന വൈസ് പ്രസിഡന്റ് ആര്‍ പി ഹരിദാസ് അധ്യക്ഷത വഹിക്കും.
എ ഐ ടി യു സി സംസ്ഥാന സെക്രട്ടറി ടി ജെ ആഞ്ചലോസ്, അഡ്വ. വി മോഹന്‍ദാസ്, പി വി സത്യനേശന്‍, വി എം ഹരിഹരന്‍, കെ ജി അനില്‍ എന്നിവര്‍ സംസാരിക്കും. യൂണിയന്‍ ജനറല്‍ സെക്രട്ടറി ബി രാധാകൃഷ്ണപിള്ള പ്രവര്‍ത്തന റിപ്പോര്‍ട്ടും കണക്കും അവതരിപ്പിക്കും.
വൈകിട്ട് 4ന് യുണിയന്‍ പ്രസിഡന്റും ഭക്ഷ്യസിവില്‍സപ്ലൈസ് മന്ത്രിയുമായ പി തിലോത്തമന് സ്വീകരണം നല്‍കും. എം ആര്‍ മനോജ് നന്ദി പറയും.