മേപ്പാടി: മാലിന്യ പ്രശ്‌നത്തിന് പരിഹാരം കാണാന്‍ നിലവിലെ പഞ്ചായത്ത് ഭരണ സമിതിക്കും കഴിഞ്ഞില്ല. മാലിന്യനീക്കം ഭാഗീകമായി പുനസ്ഥാപിച്ചെങ്കിലും ഇത് ശാസ്ത്രീയമായി സംസ്‌കരിക്കാന്‍ സംവിധാനമില്ല. പഞ്ചായത്ത് ഓഫിസിന് സമീപത്ത് കൂട്ടിയിട്ട് കത്തിക്കുകയാണ് ഇപ്പോള്‍. മാലിന്യ സംസ്‌കരണത്തിന് ഗ്രാമ പഞ്ചായത്ത് തുക വകയിരുത്തിയതല്ലാതെ കാര്യമായ നടപടികളൊന്നും തന്നെ ചെയ്തില്ല. ഇപ്പോള്‍ ടൗണിലെ പല ഭാഗങ്ങളിലും മാലിന്യം പരന്ന് കിടക്കുകയാണ്.
ചന്തകുന്ന് മുസ്‌ലിം പള്ളിക്ക് സമീപം, കെ.ബി റോഡ് തുടങ്ങിയ റോഡുകളിലാണ് മാലിന്യം നീക്കം ചെയ്യാതെ കിടക്കുന്നത്.
ഉറവിട മാലിന്യ നിര്‍മ്മാണത്തിലാണ് പഞ്ചായത്ത് ഊന്നല്‍ നല്‍കുന്നത്. അതിനാല്‍ തന്നെ പ്ലാസ്റ്റിക്കിനെതിരേയുള്ള പ്രചാരണങ്ങള്‍ ശക്തമാക്കാനാണ് തീരുമാനം.