വൈക്കം: വടയാര്‍ 133-ാം നമ്പര്‍ എസ്.എന്‍.ഡി.പി ശാഖായോഗത്തിന്റെ കീഴിലുള്ള ഭൂതങ്കേരില്‍ ശ്രീധര്‍മ്മശാസ്താ ക്ഷേത്രത്തില്‍ 9 മുതല്‍ 16 വരെ  ഭാഗവതസപ്താഹ യജ്ഞം നടക്കും. യജ്ഞവേദിയുടെ കാല്‍നാട്ട്കര്‍മ്മം ധര്‍മ്മശാസ്താ സേവാസംഘം പ്രസിഡന്റ് സി.വി.ജയകുമാര്‍ കണ്ണന്തറ നിര്‍വഹിച്ചു.
 മേല്‍ശാന്തി പട്ടശ്ശേരി എം.ഡി ഷിബു, കാര്‍മ്മികനായി. പാണാവള്ളി പങ്കജാക്ഷന്‍നായരാണ് യജ്ഞാചാര്യന്‍. കാല്‍നാട്ട് കര്‍മ്മത്തില്‍ ചെയര്‍മാന്‍ എം.പി ഗോപാലന്‍, പി.കെ സുഗുണന്‍, സി.വി ജയകുമാര്‍, എ.ഡി അശോകന്‍, കെ.പി തങ്കച്ചന്‍, എം.എസ് മനോഹരന്‍ എന്നിവര്‍ പങ്കെടുത്തു. ഒന്‍പതിന് വൈകിട്ട് 6.30നു യജ്ഞത്തിന്റെ ദീപപ്രകാശനം തന്ത്രി മനയത്താറ്റ് മനയ്ക്കല്‍ ചന്ദ്രശേഖരന്‍ നമ്പൂതിരി നിര്‍വഹിക്കും.
യജ്ഞവേദിയില്‍ പ്രതിഷ്ഠിക്കാനുള്ള വിഗ്രഹം വൈകിട്ട് അഞ്ചിന് വടയാര്‍ ഇളംങ്കാവ് ദേവീക്ഷേത്രത്തില്‍ നിന്നും വാദ്യമേളങ്ങളുടെയും താലപ്പൊലിയുടെയും അകമ്പടിയോടെ ക്ഷേത്രത്തിലേക്ക് കൊണ്ടുവരും. ക്ഷേത്രം മേല്‍ശാന്തി എം.ഡി ഷിബു പട്ടശ്ശേരി യജ്ഞമണ്ഡപത്തില്‍ വിഗ്രഹ പ്രതിഷ്ഠ നടത്തും. യജ്ഞാചാര്യന്‍ പാണാവള്ളി പങ്കജാക്ഷന്‍ നായര്‍ മാഹാത്മ്യപ്രഭാഷണം നടത്തും. ശതാഭിഷക്തനാകുന്ന ചന്ദ്രശേഖരന്‍ നമ്പൂതിരിയെ ആദരിക്കല്‍ ചടങ്ങും നടത്തും.