ബാഗ്ദാദ്: വിഷം കലര്‍ന്ന ഭക്ഷണം കഴിച്ചതിനെത്തുടര്‍ന്ന് ഐ.എസ് നേതാവ് അബൂബക്കര്‍ അല്‍ ബഗ്ദാദിയും മൂന്ന് കമാന്‍ഡര്‍മാരും ഗുരുതരാവസ്ഥയിലെന്ന് റിപ്പോര്‍ട്ട്.
ഇറാഖ് വാര്‍ത്താ ഏജന്‍സി വായെ ഉദ്ധരിച്ച് ഡെയ്‌ലി മെയിലാണ് വാര്‍ത്ത പുറത്തുവിട്ടത്. ബാഗ്ദാദിയും കമാന്‍ഡര്‍മാരും അതീവ ഗുരുതരാവസ്ഥയിലാണെന്നും ഇവരെ ശക്തമായ സുരക്ഷയോടെ രഹസ്യ കേന്ദ്രത്തിലേക്ക് മാറ്റിയതായും റിപ്പോര്‍ട്ടില്‍ പറയുന്നു. ഇറാഖിലെ നിനേവ ജില്ലയിലെ ഒളിത്താവളത്തില്‍ ഇവര്‍ക്കുള്ള ഭക്ഷണത്തില്‍ ചാരനാണ് വിഷം ചേര്‍ത്തതെന്നാണ് വിവരം.  എന്നാല്‍ അമേരിക്കയോ സിറിയയോ ഇക്കാര്യം സ്ഥിരീകരിച്ചിട്ടില്ല. സിറിയയില്‍ അമേരിക്ക നടത്തിയ വ്യോമാക്രമണത്തില്‍ ബാഗ്ദാദി കൊല്ലപ്പെട്ടതായി നേരത്തെ റിപ്പോര്‍ട്ടുണ്ടായിരുന്നു. പിന്നീട് ആക്രമണത്തില്‍ അദ്ദേഹത്തിന് ഗുരുതരമായി പരുക്കേറ്റതായി സ്ഥിരീകരിച്ചു.