തലശ്ശേരി: കെ.എസ്.ആര്‍.ടി.സി ജീവനക്കാരുടെ ശമ്പളം യഥാസമയം നല്‍കാത്തതില്‍ പ്രതിഷേധിച്ച് തലശ്ശേരി ഡിപ്പോയിലേക്ക് പ്രതിഷേധ മാര്‍ച്ചു നടത്തി. സമരക്കാര്‍ ഓഫിസിന് മുന്നില്‍ സത്യാഗ്രഹവും നടത്തി. സ്ഥിരം ജീവനക്കാര്‍ക്ക് എല്ലാമാസവും 30 തിയതി ശമ്പളം നല്‍കാറുണ്ടെങ്കിലും മൂന്നാം തിയതിയായിട്ടും ശമ്പളം നല്‍കാത്തതില്‍ പ്രതിഷേധിച്ചാണ് ട്രാന്‍സ്‌പോര്‍ട്ട് ഡമോക്രാറ്റിക് ഫെഡറേഷന്റെ നേതൃത്വത്തില്‍ ജീവനക്കാര്‍ പ്രതിഷേധ മാര്‍ച്ചും സത്യാഗ്രഹവും നടത്തിയത്. ഐ.എന്‍.ടി.യു.സി യൂണിറ്റ് പ്രസിഡന്റ് വി മനോജ് ഉദ്ഘാടനം ചെയ്തു. പി.എം പ്രജീഷ്‌കുമാര്‍, കെ ഉല്ലാസ് കുമാര്‍, ബി സനല്‍ എന്നിവര്‍ നേതൃത്വം നല്‍കി.