അമ്പലപ്പുഴ: സ്‌കൂള്‍ പരിസരത്ത് കക്കൂസ് മാലിന്യം തള്ളിയ നിലയില്‍. കളര്‍കോട് ചിന്മയാ സ്‌കൂള്‍, പറവൂര്‍ ഗവ. ഹൈസ്‌കൂള്‍, വാടക്കല്‍ എന്നിവിടങ്ങളിലാണ് കക്കൂസ് മാലിന്യം വ്യാപകമായി തള്ളിയത്. ഇന്നലെ പുലര്‍ച്ചെ ദുര്‍ഗന്ധം വമിച്ചതിനെ തുടര്‍ന്ന് നാട്ടുകാര്‍ തിരച്ചില്‍ നടത്തിയപ്പോഴാണ് ഓടക്കുള്ളില്‍ കക്കൂസ് മാലിന്യം കണ്ടത്. പിന്നീട് നാട്ടുകാര്‍ ഗ്രാമപഞ്ചായത്ത് ഓഫീസിലും ഇത് സംബന്ധിച്ച് പരാതി നല്‍കി. കവിഞ്ഞ ഒരു മാസത്തിനിടെ ദേശീയപാതയോരത്ത് നിരവധി സ്ഥലങ്ങളിലാണ് ഈ രീതിയില്‍ കക്കൂസ് മാലിന്യം തള്ളുന്നത്. ഇവ തടയാന്‍ പോലീസ് നിരീക്ഷണം കാര്യക്ഷമമാക്കണമെന്നാണ് നാട്ടുകാരുടെ ആവശ്യം.