നീലേശ്വരം: നഗരസഭയെ സമ്പൂര്‍ണ ഭവന നഗരസഭയാക്കാന്‍ കൗണ്‍സില്‍ യോഗത്തില്‍ തീരുമാനം. പ്രധാനമന്ത്രി ആവാസ് യോജന പദ്ധതി പ്രകാരമാണു ഇതു നടപ്പിലാക്കുക. ഇതിനു കൗണ്‍സില്‍ യോഗം അംഗീകാരം നല്‍കി. വരും ദിവസങ്ങളില്‍ ഇതിനുള്ള സാധ്യതാ പട്ടിക തയ്യാറാക്കാനും തീരുമാനമായി. നഗരസഭയിലെ പാര്‍പ്പിട പ്രശ്‌നത്തിനു ഇതോടെ പരിഹാരമാകും. നീലേശ്വരം റെയില്‍വേ സ്റ്റേഷനിലെ ഫുട്ഓവര്‍ ബ്രിഡ്ജ് നീട്ടുന്നതിനുള്ള സെന്റേജ് ചാര്‍ജായ 1, 21, 258 രൂപ നഗരസഭാ ഫണ്ടില്‍ നിന്നും ഒടുക്കുന്നതിനും തീരുമാനമായി. ഇതു സംബന്ധിച്ചു പാലക്കാടു റെയില്‍വേ ഡിവിഷന്‍ ഓഫിസില്‍ നിന്നും നഗരസഭയ്ക്കു കത്തയച്ചിരുന്നു.
ഇതിന്റെ അടിസ്ഥാനത്തിലാണ് തീരുമാനം. ചെയര്‍മാന്‍ പ്രൊഫ. കെ.പി ജയരാജന്‍ അധ്യക്ഷനായി.