വേങ്ങര: ഇരിങ്ങല്ലൂര്‍ പ്രാഥമികാരോഗ്യ കേന്ദ്രത്തോട് പറപ്പൂര്‍ ഗ്രാമപഞ്ചായത്ത് ഭരണസമിതിയുടെ അവഗണന കാണിക്കുന്നെന്നാരോപിച്ചു മുസ്്‌ലിംലീഗ് പ്രക്ഷോഭത്തിനൊരുങ്ങുന്നു. ദിവസേന 150ലേറെ രോഗികളെത്തുന്ന ഇവിടെ ഡോക്ടര്‍മാരുടെയും ജീവനക്കാരുടെയും സേവനം പര്യാപ്തമല്ല. അതിനിടെ കഴിഞ്ഞ ദിവസം രോഗികളെയും ജീവനക്കാരെയും ബന്ധികളാക്കി പഞ്ചായത്ത് ഭരണസമിതിയുടെ അനുകൂലികളായ ഡി.വൈ.എഫ്.ഐ പ്രവര്‍ത്തകര്‍ നടത്തിയ പരിഹാസ്യസമരം പ്രതിസന്ധി മറച്ചുവയ്ക്കാനാണെന്നും ഭാരവാഹികള്‍ ആരോപിച്ചു.
വാര്‍ത്താസമ്മേളനത്തില്‍ പഞ്ചായത്ത് ലീഗ് സെക്രട്ടറി വി.എസ് ബഷീര്‍, പറപ്പൂര്‍ ഗ്രാമപഞ്ചായത്ത് മുന്‍ പ്രസിഡന്റ് ഓടക്കല്‍ അബ്ദുല്‍ ഗനി അനീസ്, ഇ.കെ സുബൈര്‍ എന്നിവര്‍ പങ്കെടുത്തു.