ഷൊര്‍ണൂര്‍: രണ്ടാം സംസ്ഥാന സര്‍വ്വസമുദായ സംഗമം ഈ മാസം 23 ഷൊര്‍ണൂരില്‍ നടക്കുമെന്ന് ഭാരവാഹികള്‍ അറിയിച്ചു. സംസ്ഥാനത്ത് വ്യാപിച്ചു കിടക്കുന്ന പട്ടിക വിഭാഗങ്ങളിലെ തൊണ്ണൂറ് സമുദായങ്ങളുടെ ആയിരത്തില്‍പ്പരം പ്രതിനിധികള്‍ സംഗമത്തില്‍ സംബന്ധിക്കും. രാവിലെ ആരംഭിക്കുന്ന പരിപാടിയില്‍ സൗഹൃദ സംഗമം, പ്രതിഭാ സംഗമം, കലാകായിക സംഗമം, ചരിത്ര സംഗമം, മാധ്യമ സംഗമം, പുസ്തക സംഗമം, വ്യവസായ സംഗമം, ഭക്ഷ്യ സംഗമം എന്ന എട്ട് ഇനങ്ങള്‍ ഉണ്ടായിരിക്കും.
പരിപാടിയുടെ നടത്തിപ്പിനായി യു.പി അനില്‍ നാഗന്‍ (ജ.കണ്‍), ടി.എം. കൃഷ്ണന്‍കുട്ടി (പ്രോഗ്രാം കണ്‍), കെ.ടി. കൃഷ്ണന്‍കുട്ടി (ട്രഷ), എന്നിവരടങ്ങുന്ന സംഘാടക സമിതി രുപീകരിച്ചു.