വടകര: മാഹിയില്‍ നിന്നും കടത്തുകയായിരുന്ന 36 കുപ്പി വിദേശ മദ്യവും മദ്യം കടത്താനുപയോഗിച്ച ബൈക്കും എക്‌സൈസ് സംഘം കസ്റ്റഡിയിലെടുത്തു. ഇന്നലെ വൈകുന്നേരം  മൂന്നു മണിയോടെ മുട്ടുങ്ങല്‍ കെ.എസ്.ഇ.ബി ഓഫിസിന് സമീപത്ത് വച്ച് എക്‌സൈസ് സംഘം കൈ കാണിച്ചിട്ടും നിര്‍ത്താതെ പോയ കെ.എല്‍ 11 എ.ടി 608 യമഹ എഫ്.സെഡ് ബൈക്ക് കൈനാട്ടി സിഗ്നല്‍ പോസ്റ്റിന് സമീപം ഉപേക്ഷിച്ച് പ്രതി ഓടി രക്ഷപ്പെടുകയായിരുന്നു.
പ്രതിയെക്കുറിച്ച് അന്വേഷണം ആരംഭിച്ചതായി എക്‌സൈസ് അധികൃതര്‍ പറഞ്ഞു. വടകര എക്‌സൈസ് സര്‍ക്കിള്‍ ഓഫിസിലെ പ്രിവന്റീവ് ഓഫിസര്‍ എ. കുഞ്ഞികൃഷ്ണനും സംഘവുമാണ് പരിശോധന നടത്തിയത്.