തലശ്ശേരി  : വിജയദശമി ദിനമായ 11 ന് തലശ്ശേരി ഡോ. ഹെര്‍മന്‍ ഗുണ്ടര്‍ട്ട് പാര്‍ക്കില്‍ വിദ്യാരംഭം സംഘടിപ്പിക്കും. രാവിലെ ഒമ്പതു മണിക്ക് തലശ്ശേരി എം.എല്‍.എ എ.എന്‍ ഷംസീര്‍ ഉദ്ഘാടനം ചെയ്യും. ജില്ലാ കലക്ടര്‍ മിര്‍ മുഹമ്മദലി മുഖ്യാതിഥിയായിരിക്കും. പ്രമുഖര്‍ കുട്ടികളെ എഴുത്തിനിരുത്തും. തലശ്ശേരി നഗരസഭ ഓഫിസ്, കറന്റണ്ട് ബുക്‌സ്, ഗുണ്ടണ്ടര്‍ട്ട് സ്‌കൂള്‍ എന്നിവിടങ്ങളില്‍ മുന്‍കൂട്ടി പേര് റജിസ്റ്റര്‍ ചെയ്യാം. പത്രസമ്മേളനത്തില്‍ നഗരസഭ ചെയര്‍മാന്‍ സി.കെ രമേശന്‍, വൈസ് ചെയര്‍പേഴ്‌സണ്‍ നജ്മ ഹാഷിം, റിട്ട. ആര്‍.ഡി.ഒ എ.സി മാത്യു, കെ.എം ലക്ഷ്മണന്‍, വര്‍ക്കി വട്ടപ്പാറ, കെ മനോജ് കുമാര്‍, സദാനന്ദന്‍, കെ.എം ധര്‍മപാലന്‍ പങ്കെടുത്തു.