കൂത്തുപറമ്പ്: പാതിരിയാട് ആര്‍.എസ്.എസ് പ്രവര്‍ത്തകനെ വധിക്കാന്‍ ശ്രമിച്ച കേസില്‍ റിമാന്റില്‍ കഴിയുന്ന സി.പി.എം പ്രവര്‍ത്തകരായ മൂന്ന് പ്രതികളെ ചോദ്യം ചെയ്യുന്നതിനായി കോടതി  പൊലിസ് കസ്റ്റഡിയില്‍ വിട്ടു. പാതിരിയാട്ടെ കെ രതീഷ്, കെ ഷാജി, കെ രഞ്ജിത്ത് എന്നിവരെയാണ് കൂത്തുപറമ്പ് ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് കോടതി രണ്ട് ദിവസത്തേക്ക് പൊലിസ് കസ്റ്റഡിയില്‍ വിട്ടത്. കേസന്വേഷിക്കുന്ന കൂത്തുപറമ്പ് സി.ഐ കെ.പി സുരേഷ് ബാബു നല്‍കിയ അപേക്ഷയിലാണ് നടപടി. കഴിഞ്ഞ മാസം ഏഴിനു രാത്രിയാണ് ആര്‍.എസ്.എസ് പ്രവര്‍ത്തനായ നവജിത്തിനു നേരെ പാതിരിയാട് വച്ച് അക്രമമുണ്ടായത്.