കൊല്ലം: മോഡേണ്‍ ഫ്‌ളവേഴ്‌സ് ക്ലബ്ബും കൊല്ലം റിട്‌സ് ഹോട്ടലും സംയുക്തമായി നടത്തുന്ന കൊല്ലം പായസമേള നാളെ മുതല്‍ 12വരെ ബീച്ച് റോഡ് റിട്‌സ് ഹോട്ടലില്‍ നടക്കുമെന്നു സംഘാടകസമിതി ഭാരവാഹികളായ ദൃശ്യാ മുരളി,ഗോപാല്‍ജി,സി.വി ജോസ്,രാമാനുജം എന്നിവര്‍ വാര്‍ത്താസമ്മേളനത്തില്‍ അറിയിച്ചു.
ദിവസവും രാവിലെ 11 മുതല്‍ രാത്രി എട്ടുവരെയാണ് മേള. പാല്‍പ്പായസത്തിനു ലിറ്ററിനു 300ഉം മറ്റുപായസത്തിനു 250ഉം ഒരുഗ്‌ളാസിനു 30 രൂപയുമാണ് ഈടാക്കുക. കൂടാതെ കുടുംബശ്രീയുടെ ആഭിമുഖ്യത്തില്‍ മറ്റു നാടന്‍ മധുരപലഹാരങ്ങളും ഉണ്ടായിരിക്കും.