കിഴിശ്ശേരി: കിഴിശ്ശേരിയിലേയും സമീപ പ്രദേശങ്ങളിലേയും കായിക പ്രേമികളുടെയും  ആശ്രയമായ കിഴിശ്ശേരി മിനി സ്റ്റേഡിയം നവീകരിക്കുന്നു. മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയില്‍ ഉള്‍പ്പെടുത്തിയാണ്  മിനി സ്റ്റേഡിയത്തിന്റെ നവീകരണ പ്രവര്‍ത്തങ്ങള്‍ നടത്തുന്നത്.
സ്‌റ്റേഡിയത്തിന്റെ നാലുഭാഗവും കോണ്ടണ്ട് നിര്‍മാണം,  തെക്ക് പടിഞ്ഞാറ് ഭാഗങ്ങളില്‍ 4 സ്റ്റെപ്പ് ഗ്യാലറി, റോഡിന്റെ ഉയരത്തില്‍ മണ്ണിട്ട് ഉയര്‍ത്തല്‍ , തോടിന്റെ മേല്‍ ഭാഗം കോണ്‍കീറ്റ് എന്നിവയാണ് ഈ വര്‍ഷം നടപ്പാക്കാന്‍ ഉദ്ദേശിക്കുന്നത്. ഇതിനായി നാല്‍പത് ലക്ഷത്തോളം രൂപയാണ് കണക്കാക്കുന്നത്.
പഞ്ചായത്ത് പ്രസിഡന്റ് ബാലത്തില്‍ ബാപ്പു, വികസന സ്ഥിരംസമിതി ചെയര്‍മാന്‍ സി.എം മുസ്തഫ, അസിസ്റ്റന്റ് എന്‍ജിനീയര്‍, മെമ്പര്‍ വി.കെ മുഹമ്മദുണ്ണി, പി.സൈതലവി, പി.കെ ഷാജി  ഓവര്‍സിയര്‍ അലവി കുട്ടി എന്നിവരുടെ നേതൃത്വത്തില്‍ പ്രവര്‍ത്തനങ്ങള്‍ വിലയിരുത്തി.