കണ്ണൂര്‍: കണ്ണൂരില്‍ നടക്കുന്ന സംസ്ഥാന പൊലിസ്  ഫുട്ബാളില്‍ എം.എസ്.പി മലപ്പുറവും കണ്ണൂര്‍ ജില്ലാ  പൊലിസും സെമിഫൈനലില്‍ കടന്നു. കണ്ണൂര്‍ പൊലിസ് പരേഡ് ഗ്രൗണ്ടില്‍ നടന്ന മത്സരങ്ങളില്‍ എം.എസ്.പി മലപ്പുറം കാസര്‍കോട് ജില്ലാ പൊലിസിനെ ഒന്നിനെതിരേ രണ്ട് ഗോളുകള്‍ക്കും കണ്ണൂര്‍ ജില്ലാ പൊലിസ് കേരള പൊലിസ് അക്കാഡമി തൃശൂരിനെ ടൈബ്രേക്കറിലൂടെ മൂന്നിനെതിരേ നാലു ഗോളുകള്‍ക്കും പരാജയപ്പെടുത്തി.
നാളെ വൈകുന്നേരം നടക്കുന്ന സെമിഫൈനല്‍ മത്സരങ്ങളില്‍ എം.എസ്.പി മലപ്പുറം കെ.എ.പി നാലാം ബറ്റാലിയന്‍ മാങ്ങാട്ടുപറമ്പിനെയും കണ്ണൂര്‍ ജില്ലാ പൊലിസ് തൃശൂര്‍ ജില്ലാ പൊലിസിനെയും  നേരിടും.