മലപ്പുറം: മുസ്‌ലിം യൂത്ത്‌ലീഗ് മലപ്പുറം ജില്ലാ കമ്മിറ്റി 16 നിയോജക മണ്ഡലങ്ങളിലേയും മുഴുവന്‍ ഭാരവാഹികള്‍ക്കും തെരഞ്ഞെടുത്ത പ്രതിനിധികള്‍ക്കുമായി സംഘടിപ്പിക്കുന്ന കണ്‍സള്‍ട്ടേറ്റീവ് മീറ്റ് ഇന്ന് കാരാത്തോട്ട് നടക്കും. പുതു തുലമുറക്കു രാഷ്ട്രീയ വിദ്യാഭ്യാസം നല്‍കുന്ന സമഗ്ര രാഷ്ട്രീയ വിദ്യാഭ്യാസ വ്യാപന പദ്ധതി, ധാര്‍മികതയിലൂന്നിയ നേതൃത്വത്തെ വാര്‍ത്തെടുക്കുന്ന പരിശീലന പദ്ധതികള്‍, ജില്ലയുടെ വികസനവുമായി ബന്ധപ്പെട്ട നവസമീപനങ്ങള്‍, രൂപകല്‍പന ചെയ്യുന്ന പദ്ധതികള്‍ തുടങ്ങി ജില്ലയിലെ യുവജന രാഷ്ട്രീയ രംഗത്ത് സമഗ്ര മാറ്റങ്ങള്‍ക്ക് തുടക്കം കുറിക്കുന്ന പദ്ധതികള്‍ കള്‍സള്‍ട്ടേറ്റീവ് മീറ്റില്‍ ആവിഷ്‌കരിക്കും.
പാണക്കാട് സയ്യിദ് സാദിഖലി ശിഹാബ് തങ്ങള്‍, പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി, മുസ്‌ലിംലീഗ് സംസ്ഥാന ജനറല്‍ സെക്രട്ടറി കെ.പി.എ മജീദ്, ജില്ലാ ജനറല്‍ സെക്രട്ടറി കെ.എന്‍.എ ഖാദര്‍, മുസ്‌ലിംയൂത്ത്‌ലീഗ് സംസ്ഥാന പ്രസിഡന്റ് പി.എം സാദിഖലി, സി.കെ സുബൈര്‍, കെ.എം. ഗഫൂര്‍, പി.കെ ഫിറോസ്, അഷ്‌റഫ് മടാന്‍, ജില്ലയിലെ എം.എല്‍.എമാര്‍, മറ്റു സംസ്ഥാന നേതാക്കള്‍ പങ്കെടുക്കും.