കണ്ണൂര്‍: സമാധാനപരമായി കരിങ്കൊടി കാണിച്ച യൂത്ത് കോണ്‍ഗ്രസ് പ്രവര്‍ത്തകരെ പൊലിസ് നോക്കിനില്‍ക്കെ ഡി.വൈ.എഫ്.ഐ പ്രവര്‍ത്തകര്‍ മര്‍ദിച്ച സംഭവത്തിലും കെ.എസ്.യു നേതാവ് സുധീപ് ജയിംസിനെ കണ്ണൂര്‍ ടൗണ്‍ സി.ഐ കൈയേറ്റം ചെയ്ത നടപടിയിലും പ്രതിഷേധിച്ച് യൂത്ത് കോണ്‍ഗ്രസ് പ്രവര്‍ത്തകര്‍ കണ്ണൂര്‍ ടൗണില്‍ പ്രതിഷേധപ്രകടനം നടത്തി. ലോക്‌സഭാ മണ്ഡലം പ്രസിഡന്റ് റിജില്‍ മാക്കുറ്റി, നൗഷാദ് ബ്ലാത്തൂര്‍, സുധീപ് ജയിംസ്,     പി.എ ഹരി, ടി.എം ഹാരിസ്, വി രാഹുല്‍, അനൂപ് ബാലന്‍, തിലകരാജ്, സുധീഷ് നാറാത്ത്, അതുല്‍, നികേത് നാറാത്ത്, സുജേഷ് പണിക്കര്‍, നൗഫല്‍ താവക്കര, റിനോഷ് നേതൃത്വം നല്‍കി.