കോഴിക്കോട്: പുത്തലത്ത് കണ്ണാശുപത്രിയില്‍ വിദ്യാരംഭവും വായനാരംഭവും സംഘടിപ്പിക്കുന്നു. ആദ്യാക്ഷരം കുറിയ്ക്കലിലും വായനാരംഭത്തിലും അമ്പതിലേറെപ്പേര്‍ പങ്കെടുക്കും.
മഹാത്മാ ചാരിറ്റബിള്‍ ട്രസ്റ്റും പുത്തലത്ത് കണ്ണാശുപത്രിയും ചേര്‍ന്നാണ് വിദ്യാരംഭ പരിപാടി സംഘടിപ്പിക്കുന്നത്. സിനിമാ നടന്‍ ശ്രീനിവാസന്‍ രാവിലെ 9 മണിക്ക് സാമ്പ്രദായികരീതിയില്‍ ഹരിഃശ്രീ  കുറിച്ചുകൊണ്ടാണ് വിദ്യാരംഭം പരിപാടി ആരംഭിക്കും. ബ്രെയിലി കംപ്യൂട്ടറിന്റെയും  ആധുനിക പഠനസാമഗ്രികളുടെയും സഹായത്തോടെ എഴുതാനും  വായിക്കാനുമുള്ള പരിശീലനം നല്‍കും.
   നാലുലക്ഷം പുസ്തകങ്ങളാണ് ഈ സംവിധാനത്തില്‍ ഉള്‍ക്കൊള്ളിച്ചിരിക്കുന്നത്. ഈ  വര്‍ഷത്തെ വിദ്യാരംഭ, വായനാരംഭ പരിപാടിയില്‍ പങ്കെടുക്കുന്നവര്‍ക്ക്  ഗ്ലോബല്‍ ബുക് ഷെയര്‍ ലൈബ്രറിയില്‍ അംഗത്വം നല്‍കും.
 എഴുതിയതും അച്ചടിച്ചതുമായവ വായിക്കാന്‍ കഴിയാത്തവരും പ്രയാസമുള്ളവര്‍ക്കും വിദ്യാരംഭ, വായനാരംഭ പരിപാടിയില്‍ പങ്കാളികളാകാമെന്ന് പ്രൊഫ. വി.കെ ദാമോദരനും പുത്തലത്ത് കണ്ണാശുപത്രി എം.ഡി ഡോ.  സുരേഷ് പുത്തലത്തും അറിയിച്ചു. കൂടുതല്‍ വിവരങ്ങള്‍ക്ക് 0495 2744446 എന്ന  നമ്പറില്‍ ബന്ധപ്പെടണം.