എരുമപ്പെട്ടി: എരുമപ്പെട്ടി നെല്ലുവായില്‍ പൈപ്പ് പൊട്ടി കുടിവെള്ളം പാഴാകുന്നു. നെല്ലുവായ് സി.ഐ.ടി.യു യൂനിയന്‍ ഓഫിസിന് സമീപമാണ് ആഴ്ചകളായി പൈപ്പ് പൊട്ടി വെള്ളം ഒഴുകി പോകുന്നത്. കടങ്ങോട് ശുദ്ധജല വിതരണ പദ്ദതിയുടെ കീഴിലുള്ള പൈപ്പാണ് പൊട്ടിയിരിക്കുന്നത്. വേനല്‍ക്കാലത്ത് രൂക്ഷമായ കുടിവെള്ളക്ഷാമം നേരിടുന്ന പ്രദേശങ്ങളായ കടങ്ങോട്, എരുമപ്പെട്ടി പഞ്ചായത്തുകളില്‍ കുടിവെള്ളം വിതരണം ചെയ്യുന്നത് ഈ പദ്ധതി വഴിയാണ്. കുടിവെള്ള ക്ഷാമം മുന്നില്‍ ക@ണ്ട്  ജലസംരക്ഷണത്തിനും  വിതരണത്തിനുമായി വിവിധ പദ്ധതികള്‍ നടപ്പിലാക്കാന്‍  ത്രിതല പഞ്ചായത്തുകള്‍  നെട്ടോട്ടമോടുമ്പോഴാണ്  ജലവിതരണ  വകുപ്പ്  അധികൃതരുടെ അനാസ്ഥമൂലം  വെള്ളം പാഴാകുന്നത്.  നാട്ടുകാര്‍ പരാതിപ്പെട്ടിട്ടും  അറ്റകുറ്റപണി  നടത്താന്‍  അധികൃതര്‍  തയ്യാറാകാത്തത്  പ്രതിഷേധത്തിനിടയാക്കിയിട്ടു@ണ്ട്.