തൊടുപുഴ: തൊടുപുഴ ബ്ലോക്കിലെ ആറ് പഞ്ചായത്തുകളെയും സമ്പൂര്‍ണ വെളിയിട വിസര്‍ജനമുക്തമായി ബ്ലോക്ക് പഞ്ചായത്ത് ഭരണസമിതി പ്രഖ്യാപിച്ചു. ബ്ലോക്ക് പഞ്ചായത്ത് പരിധിയില്‍ വരുന്ന കക്കൂസില്ലാത്ത മുഴുവന്‍ കുടുംബങ്ങള്‍ക്കും കക്കൂസ് അനുവദിച്ച് നിര്‍മാണപ്രവര്‍ത്തനങ്ങള്‍ പൂര്‍ത്തീകരിച്ച പശ്ചാത്തലത്തിലാണ് പ്രഖ്യാപനം.
പദ്ധതി വിജയകരമായി പൂര്‍ത്തീകരിക്കുന്നതിന് പ്രയത്‌നിച്ച ജനപ്രതിനിധികളെയും വില്ലേജ് എക്‌സ്റ്റന്‍ഷന്‍ ഓഫീസര്‍മാരെയും മറ്റ് ജീവനക്കാരെയും സന്നദ്ധപ്രവര്‍ത്തകരെയും ഗുണഭോക്താക്കളെയും ബ്ലോക്ക് പഞ്ചായത്ത് കമ്മിറ്റി യോഗം അഭിനന്ദിച്ചു. പ്രസിഡന്റ് ജിമ്മി പോള്‍ അധ്യക്ഷനായി. വൈസ് പ്രസിഡന്റ് പ്രിന്‍സി സോയി, സ്റ്റാന്‍ഡിങ് കമ്മിറ്റി ചെയര്‍മാന്മാര്‍, അംഗങ്ങള്‍, പഞ്ചായത്ത് സെക്രട്ടറി എന്നിവര്‍ സംസാരിച്ചു.