കോറോം: പഞ്ചായത്തിലെ കോറോം അങ്ങാടിയില്‍ കട കത്തിനശിച്ചു. അക്രോക്കറി എന്ന കട കഴിഞ്ഞ ദിവസം ഉച്ചയോടെയാണ് കത്തി നശിച്ചത്. ഏകദേശം നാല് ലക്ഷം രൂപയുടെ നഷ്ടം ഉണ്ടായതായാണ് കണക്കാക്കുന്നത്. അക്രോക്കറി ഉടമ പി.കെ ജയിംസിന് ആവശ്യമായ നഷ്ട പരിഹാരം നല്‍കണമെന്ന് കേരള സംസ്ഥാന വ്യാപാരി വ്യവസായി സമിതി പനമരം ഏരിയാ കമ്മിറ്റി അധികൃതരോടാവശ്യപ്പെട്ടു. ഏരിയാ പ്രസിഡന്റ് വി.സി സലീം അധ്യക്ഷനായി. ജില്ലാ സെക്രട്ടറി വി.കെ തുളസീദാസ്, പി. പ്രസകുമാര്‍, എ. ചന്ദ്രശേഖരന്‍, ടി. രത്‌നാകരന്‍, പി.എം തങ്കച്ചന്‍, രാജശേഖരന്‍ സംസാരിച്ചു.