വടകര: കണ്ണൂരില്‍ കൊലചെയ്യപ്പെട്ട സി.പി.എം പടുവിലായി ലോക്കല്‍ കമ്മിറ്റി അംഗം കുഴിച്ചാലില്‍ മോഹനു വടകരയുടെ അന്ത്യാഞ്ജലി.  കോഴിക്കോട് മെഡിക്കല്‍ കോളജ് ആശുപത്രിയില്‍ പോസ്റ്റ്‌മോര്‍ട്ടത്തിനു ശേഷം ചൊവ്വാഴ്ച രാവിലെ വിലാപ യാത്രയായി കണ്ണൂരിലേക്ക് കൊണ്ടുപോയ മൃതദേഹത്തില്‍ വടകരയിലെ പാര്‍ടി പ്രവര്‍ത്തകരും നേതാക്കളും അന്ത്യാഞ്ജലിയര്‍പ്പിച്ചു.
പുതിയസ്റ്റാന്റ് പരിസരത്ത് അന്ത്യോപചാരം അര്‍പിക്കാന്‍ നിരവധി പേരെത്തി. മുനിസിപ്പല്‍ ചെയര്‍മാന്‍ കെ.ശ്രീധരന്‍ റീത്ത് സമര്‍പിച്ചു.