കോഡൂര്‍: ചെമ്മങ്കടവ്  പി.എം.എസ്.എ.എം.എ ഹയര്‍സെക്കന്‍ഡറി സ്‌കൂളിലെ എന്‍.എസ്.എസ് യൂനിറ്റിന്റെ നീന്തല്‍  പരിശീലനത്തിന് തുടക്കമായി. സ്‌കൂള്‍ അവധി ദിനങ്ങളിലാണ് സഹപാഠികള്‍ക്ക് നീന്തലില്‍ പരിശീലനം  നല്‍കുന്നത്.
പതിനാലാം വാര്‍ഡ് ഒറ്റത്തറയില്‍ ജില്ലാ  പഞ്ചായത്ത് നിര്‍മിച്ച 25 മീറ്ററിലധികം നീളമുള്ള വട്ടാന്‍കുളത്തിലാണ് പരിശീലനം നടക്കുന്നത്.
പരിശീലന  പരിപാടി പഞ്ചായത്തംഗം മുഹമ്മദ് മച്ചിങ്ങല്‍ ഉദ്ഘാടനം ചെയ്തു. എന്‍.എസ്.എസ് പ്രോഗ്രാം  ഓഫീസര്‍ എന്‍.കെ ഫഫ്‌സല്‍ റഹ്മാന്‍, ലീഡര്‍മാരായ ഹംറാസ് മുഹമ്മദ് പാറമ്മല്‍, ശബീറലി ഉമ്മത്തൂര്‍, ശഹബാസ് ഉമ്മത്തൂര്‍ നേതൃത്വം നല്‍കി.