തലശ്ശേരി: തലശ്ശേരി ജനറല്‍ ആശുപത്രി ഇന്നലെ രാത്രിയോടെ ആരോഗ്യ വകുപ്പ് മന്ത്രി കെ.കെ ശൈലജ സന്ദര്‍ശിച്ചു.ജനറല്‍ ആശുപത്രിയിലെ ഓപറേഷന്‍ തിയറ്റര്‍ നവീകരിക്കുന്നതിന് സര്‍ക്കാര്‍ 50 ലക്ഷം രൂപ നേരത്തെ അനുവദിച്ചിരുന്നു. നിര്‍മാണ പ്രവര്‍ത്തനം വിലയിരുത്തുന്നതിനാണു മന്ത്രി ആശുപത്രിയും ഓപറേഷന്‍ തിയറ്റും സന്ദര്‍ശിച്ചത്.
നഗരസഭ ചെയര്‍മാന്‍ സി.കെ രമേശന്‍, ആശുപത്രി സൂപ്രണ്ടിന്റെ ചുമതല വഹിക്കുന്ന ഡെപ്യൂട്ടി സൂപ്രണ്ട് കെ രാജീവ് സമീര്‍ എന്നിവരും മന്ത്രിയോടൊപ്പമുണ്ടായിരുന്നു.