മീനാക്ഷിപുരം: റേഷനരിക്കുപുറമെ ഇപ്പോള്‍ റേഷന്‍ മണ്ണെണ്ണയും ട്രെയിന്‍ മാര്‍ഗം കടത്തുന്നു. തമിഴ്‌നാട്ടില്‍ ഒരുറേഷന്‍ കാര്‍ഡിനു നല്‍കുന്ന അഞ്ചു മുതല്‍ പത്തു ലിറ്റര്‍ വരെ മണ്ണെണ്ണയാണ് കരിഞ്ചന്തയിലൂടെ മറിച്ച് വില്‍പന നടത്തി കേരളത്തിലേക്ക് കടത്തുന്നത്. വാളയാര്‍ വഴിയും മീനാക്ഷിപുരം വഴിയും ട്രെയിനുകളില്‍ കടക്കുന്ന റേഷന്‍ മണ്ണെണ്ണ കന്നാസുകളിലാക്കി കടത്തുകയും ഇവയെ ചെറു സ്റ്റേഷനുകളിലൂടെ ഇറക്കിയാണ് വിതരണം നടത്തുന്നത്. ലിറ്ററിന് ഒരു രൂപ നിരക്കിലാണ് മണ്ണെണ്ണ ഏജന്റിന് നല്‍കുന്നത് ആവശ്യക്കാരുടെ പക്കലെത്തുബോള്‍ ഇത് 20-25 രൂപ വരെയാകും.
തമിഴ്‌നാടിനുപുറമെ ജില്ലയിലെ റേഷന്‍ ഷോപ്പുകളിലൂടെ വിതരണത്തിനെത്തുന്ന മണ്ണെണ്ണും കരിഞ്ചന്തയില്‍ വില്‍പന ചൂടുപിടിക്കുകയാണ്. റേഷന്‍ ഷോപ്പുകളില്‍ മാസത്തില്‍ മുന്നാം ആഴ്ച്ചയിലെത്തുന്ന റേഷന്‍ മണ്ണെണ്ണ എല്ലാ ഉപഭോക്താക്കളിലും എത്താറില്ല.