വള്ളിക്കുന്ന്: മത്സ്യത്തൊഴിലാളികള്‍ക്ക് ഏറെ പ്രയോജനപ്പെടുന്ന കടലുണ്ടിക്കടവ് ബോട്ട് ജെട്ടി നിര്‍മാണം പൂര്‍ത്തിയായി. പ്രദേശം പി അബ്ദുല്‍ ഹമീദ് മാസ്റ്റര്‍ എം.എല്‍.എ സന്ദര്‍ശിച്ച് നിര്‍മാണം വിലയിരുത്തി. ബോട്ട് ജെട്ടി എത്രയും പെട്ടെന്ന് മത്സ്യതൊഴിലാളികള്‍ക്ക് തുറന്ന് കൊടുക്കുമെന്ന് എം.എല്‍.എ അറിയിച്ചു.
കഴിഞ്ഞ യു.ഡി.എഫ് ഭരണത്തില്‍ കെ.എന്‍.എ ഖാദര്‍ എം.എല്‍.എയുടെ ആസ്ഥി വികസന ഫണ്ടില്‍ നിന്നും 45 ലക്ഷം രൂപ ചെലവഴിച്ചാണ് ജെട്ടി നിര്‍മാണം പൂര്‍ത്തിയാക്കിയത്. പഞ്ചായത്ത് മുസ്‌ലിം ലീഗ് പ്രസിഡന്റ് കെ.പി മുഹമ്മദ് മാസ്റ്റര്‍, സി.പി മുഹമ്മദ് കുട്ടി ഹാജി, കെ.പി ഹനീഫ, കെ.പി ആസിഫ് മഷ്ഹൂദ്, കെ.എം.പി ഹൈറുന്നിസ, സി.ഹസീന, എ യൂസഫ് തുടങ്ങിയവര്‍ എം.എല്‍.എയെ അനുഗമിച്ചു.